Kontrafaktilik ónimderden «Qazaqstan temir joly» UK mıllıardtaǵan teńge shyǵynǵa ushyrady - Bas kólik prokýratýrasy
«Kásipkerlerdiń quqyn qorǵaý salasynda aǵymdaǵy jyly jumys belsendi atqarylyp, keń aýqymdy aktsııalar uıymdastyryldy, bıznes ókilderimen kezdesýler ótkizildi. Eger 2012 jyly kólik prokýratýrasyndaǵy jedel toppen jalpy alǵanda 53 «dabyl» qabyldanǵan bolsa, onda aǵymdaǵy jyldyń basynan beri kásipkerler tarapynan 45 «dabyl» túsip, prokýrorlyq aktiler boıynsha 164 zańsyz tekserýlerge tyıym salyndy» delingen baspasóz baıanynda.
Budan bólek, prokýratýra organdary áleýmettik turaqtylyqqa basa mán berip, eńbek quqyqtarynyń qorǵalýyna da basa nazar aýdarǵan. Máselen, kólik prokýrorlarymen jyl basynan beri 11 myńnan astam jumysshynyń quqyǵy qorǵalyp, jalaqy men ekologııalyq ústemeaqy boıynsha 1,8 mlrd. teńgeni quraıtyn bereshek óteldi.
«Áýe jáne temirjol kóligindegi qaýipsizdikti qamtamasyz etý salalarynda da belgili bir jumystar atqaryldy. Ushýlardyń qaýipsizdigin qamtamasyz etýge baǵyttalǵan zańnamanyń saqtalýyn tekserý barysynda áýetasymaldaýshylar men ýákiletti organ tarapynan júıeli buzýshylyqtardyń oryn alyp otyrǵany anyqtaldy. Kontrafaktilik júk vagondary men onyń bólshekterin satyp alý jáne satý faktileri anyqtaldy. Budan «Qazaqstan temir joly» UK» AQ mıllıardtaǵan teńge shyǵyn shekti. Bas prokýratýranyń tekserýler nátıjesi týraly Memleket basshysyna aqparat berildi, al Úkimet basshysynyń atyna zańsyzdyqtardy joıýǵa baǵyttalǵan usynymdar joldandy» delingen baspasóz baıanynda. Aǵymdaǵy jyldyń sońyna deıin Bas kólik prokýratýrasy qalalyq elektr kólikteri men sý kólikterindegi qaýipsizdikti qamtamasyz etý salasynda, sonymen birge bilim týraly zańnamanyń oryndalýyna qatysty birqatar tekserýlerdi josparlap otyr.
