Kontrafaktilik ónim jetkizetin 7 arnanyń joly kesildi - Ádilet mınıstrligi
«Tekserý nátıjeleri boıynsha 154 quqyq buzýshylyq anyqtaldy. QR Ákimshilik quqyq buzýshylyq týraly kodeksiniń 158-babyna sáıkes 153 ákimshilik is qozǵaldy. Sottardyń sheshimderi boıynsha 145 adam ákimshilik jaýapkershilikke tartyldy. Aıyppul somasy 12 mln 684 myń 597 teńgeni qurady», - dep atap ótilgen vedomstvonyń málimetinde.
Osy oraıda zańsyz aınalymnan jalpy somasy 12 mln 954 myń 542 teńgege 8 967 kontrafaktilik ónim tárkilendi.
«Іshki ister organdarymen óz quzireti sheginde avtorlyq jáne sabaqtas quqyqtardy buzýǵa baılanysty quqyq buzýshylyqtarmen qylmystardy anyqtaýǵa jáne jolyn kesýge baǵyttalǵan is sharalar kesheni qabyldanady. 2017 jyldyń basynan bastap ishki ister organdarynyń óndirýinde avtorlyq jáne sabaqtas quqyqtardy buzý týraly 102 qylmystyq is (QRQK 198 baby) bolǵan, olardyń aǵymdyǵy jyly 76-sy sotqa deıingi tergeýdiń biryńǵaı tizilimine tirkelgen, 9-y óndirispen aıaqtalǵan», - dep naqtylady mınıstrliktiń baspasóz qyzmeti.
Zańsyz aınalymnan 36,5 myń birlik kontrafaktilik ónim tárkilendi, onyń ishinde 6,2 myńy dybystyq jazbalar jáne 30,1 myńy vıdeo týyndylar.
Budan bólek, kontrafaktilik aýdıo-beıne ónimderdi shyǵaratyn 6 tsehtyń qyzmeti toqtatyldy, sondaı-aq osyndaı ónimdi jetkizetin 7 arnanyń joly kesildi.
Internet jelisindegi atalǵan quqyq buzýshylyqtardyń jolyn kesý boıynsha jumys júrgizilýde. Bıyl kontrafaktilik aýdıvızýaldy ónimderdi taratatyn 74 shetel Internet-resýrstary anyqtaldy.
QR Qarjy mınıstrliginiń Memlekettik kirister komıtetiniń Ekonomıkalyq tergeý qyzmetiniń óndirisinde kontrafaktilik taýarlardy zańsyz aınalymǵa tartý salasynda 229 sotqa deıingi tergeý boldy. Onyń ishinde aǵymdaǵy jyly Sotqa deıingi tergep-tekserýdiń biryńǵaı tiziliminde 29 tirkeldi. Belgili bolǵandaı, Ekonomıkalyq tergeý qyzmetimen 203 qylmystyq is anyqtalyp, beti ashyldy.
