Kontrafaktilik baǵdarlamalardy qoldanatyn qazaqstandyq kompanııalar jylyna 1 mıllıard AQSh dollaryn joǵaltady
ASTANA. QazAqparat - Kontrafaktilik kompıýterlik baǵdarlamalardy qoldanatyn qazaqstandyq kompanııalar jylyna 1 mıllıard AQSh dollaryn joǵaltady. Bul týraly búgin Astanada ótken dóńgelek ústelde «MicrosoftKazakhstan» JShS bas dırektory Alekseı Reshtenko málim etti.
«Qaraqshylyq - kıberqylmyskerler úshin aqparattardy urlaýdyń jáne ony keıin satýdyń tıimdi ádisi. Álemde adamdar aqparattyń syrtqa shyǵyp ketýinen shamamen 120 mlrd. shyǵyn kóredi, olardyń ishinde qazaqstandyq kompanııalar 1 mlrd. dollarǵa zardap shegedi. Jeke paıdalanýshylar 60 mln. dollar kóleminde joǵaltady. Ǵalamtor arqyly kóshirilgen baǵdarlamalardyń 76 paıyzynda zııan keltiretin kod bolady. Sol arqyly zııankester aqparat urlap otyrady. Bizde 4 paıdalanýshynyń úsheýi kontrafaktilik ónimdi qoldanady. Eger osynyń barlyǵyn qossaq, jaǵdaıdyń tym nashar ekendigin baıqaımyz», - dedi ol.
Onyń aıtýynsha, memlekettik organdar, jeke tulǵalar jáne kompanııa basshylary kontrafaktilik ónimderdi taratýshylarmen belsendi kúresýleri shart.
