Kontrafakt pen kontrabanda memlekettik qoldaý sharalaryna zalal keltirýde - senator
NUR-SULTAN. QazAqparat – QR Parlamenti Senatynyń depýtaty Manap Kóbenov otandyq jeńil ónerkásip salasyna kotrafaktilik ónimniń keltirip otyrǵan shyǵyny týraly aıtty, dep habarlaıdy QazAqparat tilshisi.
«Barshamyz bilemiz, jeńil ónerkásip búginde ekonomıkalyq qaýipsizdikti, jumyspen qamtýdy qamtamasyz etýde mańyzdy ról atqarady, sondaı-aq shaǵyn bıznestiń damýyna qoldaý jasaıdy. Sondyqtan qazirgi kezde jeńil ónerkásipte makroekonomıkalyq problema baıqalýda», - dedi depýtat Senatta elimizdegi jeńil ónerkásip taqyrybyna arnalǵan parlamenttik tyńdaýda.
Onyń sózine qaraǵanda, ımporttyń, kontrabanda men kotrafaktilik ónimniń shamadan tys bolýy elimizdegi atalǵan sala úshin qıyndyq týdyrýda. Kontrafakt pen kontrabanda shyn máninde memlekettik qoldaý sharalaryn qunsyzdandyryp keledi.
«Jeńil ónerkásip - ol aýqymy boıynsha azyq túlik salasynan keıin ekinshi oryndaǵy naryq. Onyń aýqymy búginde 500 mlrd teńgeni qurap otyr. Alaıda keıbir esepteýler boıynsha, salanyń «kóleńkeli» bóligi naryqtan eki ese asyp, 1 trln teńgeden astam qarjyny qurady», - dedi Senat Tóraǵasy Darıǵa Nazarbaeva.
Onyń aıtýynsha, kıim óndirýshileriniń eń úlken problemasy otandyq shıkizatpen qamtamasyz etilmeýine baılanysty. Sondyqtan jeńil ónerkásipti damytý úshin shıkizattyq bazany damytý boıynsha sharalardy qamtamasyz etý usynyldy.
