Kontrafakt operatsııasy: 4 kúnde 272 adam ustalyp, 2 myń tyıym salynǵan ónim tárkilendi

ASTANA. KAZINFORM – Qazaqstanda 4-7 tamyz aralyǵynda aqparattyq tehnologııalardy paıdalana otyryp jasalatyn urlyq túrleriniń aldyn alýǵa jáne anyqtaýǵa baǵyttalǵan “Kontrafakt” jedel-profılaktıkalyq is-sharasy ótti. Bul týraly Polisia.kz habarlady.

- Erekshe nazar ınternet-alaıaqtyqtardy ashýǵa, kontrafaktilik ónimderdi tárkileýge, aqparatqa zańsyz qol jetkizýge (QK 205-baby), avtorlyq jáne sabaqtas quqyqtardy buzýǵa (QK 198-baby), pornografııany taratýǵa (QK 311-baby), arnaıy tehnıkalyq quraldardy zańsyz satýǵa (QK 399-baby), sondaı-aq ІT-tehnologııalardy paıdalana otyryp jasalǵan urlyqtarǵa aýdaryldy, - dep jazdy ІІM-nen.

Nátıjesinde atalǵan qylmystardy jasaǵan 272 adam ustaldy, onyń ishinde 70-i eki jáne odan da kóp quqyq buzýshylyq jasaǵan. Buryn jasalǵan 353 qylmys ashyldy, onyń ishinde ІT-tehnologııalardy paıdalana otyryp jasalǵan urlyq – 12, ınternet-paıdalanýshylarǵa qatysty alaıaqtyq – 328 derek.

Erkin aınalymǵa tyıym salynǵan 2 myń birlik ónim tárkilendi, onyń ishinde 1,7 myń birlik lıtsenzııasyz ónim tasymaldaǵyshtary jáne 67 arnaıy tehnıkalyq qural bar. Internet jelisin monıtorıngteý barysynda zańsyz aqparat taratatyn 205 sheteldik ınternet-resýrs anyqtaldy.

Aıta keteıik, Atyraýda jyl basynan beri kıberqylmysqa baılanysty 50-ge jýyq kúdikti ustaldy.