«Kontrafakt» operatsııasy barysynda aqparattyq-tehnologııalar salasynda jasalǵan 478 zań buzý áreketteri anyqtaldy

 Onyń 415-i - kontrafaktilik, 29-y - pornografııalyq, 4-ýi zorlyq-zombylyqqa negizdelgen  ónimderdi taratýǵa qatysty bolyp otyr. Sondaı-aq 13 ret baılanys quraldary men ınternetti zańsyz paıdalaný, 3 zaqymdaýshy ónimder engizilgen baǵdarlamalar taratý áreketteri anyqtalǵan. Bul málimettermen jýrnalısterdi Іshki ister mınıstrliginiń Krımınaldyq polıtsııa komıtetiniń Asa mańyzdy ister jónindegi aǵa jedel ýákili Marjan Maýsymbekova tanystyrdy, dep habarlaıdy QazAqparat.

Onyń keltirgen derekterine qaraǵanda, jedel-saýyqtyrý sharasy barysynda zańsyz aınalymnan 57 myń dıskiler men 56 myń kontrafaktilik dıskiler jáne 307 pornografııalyq ónimderi bar dıskiler jáne 69 lıtsenzııasyz daıyndalǵan týyndylar alynǵan. Odan kelgen shyǵyn 40 mıllıon teńgege baǵalanyp otyr. «Atalǵan zańsyzdyqtar boıynsha 34 qylmystyq is qozǵaldy. Jedel-saýyqtyrý jumystary boıynsha Ońtústik Qazaqstan, Shyǵys Qazaqstan jáne Pavlodar oblysynyń polıtseıleri belsendilik tanytty. Mysaly, Shyǵys Qazaqstan oblysynyń tártip saqshylary 300-den astam reıd uıymdastyryp, aqparattyq-tehnologııalar salasyndaǵy zań buzý faktileriniń  44-in anyqtady», deıdi Krımınaldyq polıtsııa komıtetiniń ókili.

Esterińizge sala keteıik, «Kontrafakt» jedel-saýyqtyrý sharasy 2008-2010 jyldarǵa arnalǵan qylmyspen birlesken kúres jónindegi halyqaralyq baǵdarlama talaptaryn oryndaý maqsatynda qarashanyń 2-si men 6-sy aralyǵynda júrgizildi. Shara aqparattyq-tehnologııalar salasyndaǵy qylmystardy anyqtaýǵa baǵyttaldy.