«Kontrafakt» is-sharasynyń barysynda Almaty jáne Petropavl qalalarynda «qaraqshylyq ónimderdi» joıý aktsııalary ótedi
ASTANA. 4 qarasha. QazAqparat - Qazaqstan Respýblıkasy Ádilet mınıstrliginiń Zııatkerlik menshik quqyǵy komıteti men aýmaqtyq ádilet organdary aǵymdaǵy jylǵy 4-12 qarasha aralyǵynda respýblıkalyq «Kontrafakt» is-sharasyn ótkizedi,
dep habarlaıdy Ádilet mınıstrliginiń baspasóz qyzmeti.
Іs-sharany ótkizýdiń maqsaty zııatkerlik menshik salasyndaǵy quqyq buzýshylyqtyń aldyn alýǵa jáne eskertýge baǵyttalǵan, quqyqty nasıhattaý arqyly zııatkerlik menshik salasyndaǵy máselelerge kópshiliktiń nazaryn aýdarý bolyp tabylady.
Іs-shara barysynda zııatkerlik menshik salasyndaǵy zańnamany túsindirý úshin joǵary oqý oryndarynyń stýdentterine arnalǵan dáristik kún, quqyq ıelenýshilerdiń, múddeli memlekettik organdardyń, úkimettik emes uıymdar ókilderiniń, zııatkerlik menshik obektilerin paıdalanatyn sýbektilerdiń qatysýymen semınarlar, «dóńgelek ústelder», beınekonferentsııalar jáne sýretshilermen kezdesýler ótkizý josparlanýda.
Jarnamalyq teledıdarlyq taqtalarda, telearnalarda zııatkerlik menshik quqyqtaryn qorǵaýdy nasıhattaý boıynsha áleýmettik beınerolıkter, bılbordtar, pılondar jáne plakattar ornalastyrylyp, jarııalanady. Komıtette jáne aýmaqtyq ádilet organdarynda avtorlar, ónertapqyshtar jáne quqyq ıelenýshiler úshin «Ashyq esik kúni» ótedi.
Іs-shara aıasynda Almaty jáne Petropavl qalalarynda «qaraqshylyq ónimderdi» joıý aktsııalary uıymdastyrylady.
