Kontratseptıv dáriler janardan aıyrýy múmkin
ASTANA. 21 qarasha. QazAqparat - Júktilikten saqtaıtyn dári-dármekti únemi qoldanatyn qyz-kelinshekter arasynda sýqarańǵylyq aýrýy eki ese jıi kezdesedi. Jańa Orleanda ótken Amerıka oftalmologııa akademııasynyń dástúrli jıynynda AQSh pen Qytaı dárigerleri osyndaı málimetti jarııa etti.
«RIA Novostı» portalynyń habarlaýynsha, ǵalymdar AQSh-tyń jasy 40-tan asqan 3500 áıeldiń densaýlyq tarıhyn zerttegen. Sonyń nátıjesinde kontratseptıvti jıi qoldanatyn qyz-kelinshekterdiń glaýkomaǵa shaldyǵý qaýpi joǵary bolatyny dáleldendi. Dárigerlerdiń aıtýynsha, preparattardyń qaı túriniń de áıel aǵzasyna áseri birdeı deńgeıde bolǵan. Glaýkoma nemese sýqarańǵylyq - kóz ishi qan qysymynyń artýynan kórý múmkindiginiń kemýi jáne kórý júıkesiniń zaqymdanýy. Amerıka men Qytaı mamandary gınekologterdiń óz patsıentterine kontratseptıvterdiń osyndaı keri áseri baryn eskertip otyrýy kerektigin aıtady, dep jazady «Alash aınasy» basylymy.
