Kontrabandalyq taýar tasymaldaýshylarǵa 3,2 mlrd teńge aıyppul salyndy-Jaıdar Іńkárbaev

NUR-SULTAN. QazAqparat- Qazaqstanda memlekettik shekara arqyly ótkiziletin taýarlarǵa qatysty baqylaý júrgizý kezindegi ózara is-qımyl jospary quryldy. Ol baqylaýshy memlekettik organdarmen (ІІM, AShM, QR IIDM, QR UQK ShQ) birlesip bekitildi. Bul týraly QR QM Memlekettik kirister komıteti tóraǵasynyń orynbasary Jaıdar Іńkárbaev aıtty, dep habarlaıdy QazAqparat tilshisi.

Onyń aıtýynsha, «Qorǵas» shekaralyq yntymaqtastyq halyqaralyq ortalyǵynda júkti zańsyz tasýshylar kóleńkeli kompanııalardyń keń taralǵan shemalarynda basty fıgýranttar boldy. Sońǵylary jeke tulǵalardy kedendik tazartýsyz shekaradan ótý úshin óz muqtajy úshin tartady. Qazirgi ýaqytta jeke tulǵalardyń taýarlardy ákelýiniń ruqsat etilgen normasy 50-den 25 kelige deıin qysqardy.

Sondaı-aq, jergilikti memlekettik kirister departamentteriniń bazasynda taýarlardy túpkilikti alýshyny belgileý, qujattarda málimdelgen qunnyń durystyǵyn tekserý jáne janama salyqtardy tóleý úshin jedel shtabtar men mobıldi toptar quryldy.

«Atalǵan toptar barlyq ákelinetin taýarlar boıynsha tekserý is-sharalaryn júrgizedi. Josyqsyz kompanııalardy hronometrajdyq tekserý bastaldy. Sońǵylary qujattardaǵy málimetterdi durys málimdeýmen, taýarlardyń qunyn tómendetýmen qatar janama salyq tólenetin naqty aınalymdardy kórsetpeıdi», - dedi J. Іńkárbaev.

Vedomstvo málimetinshe, aǵymdaǵy jyldyń basynan bastap memlekettik kirister organdary QHR-dan halyq tutynatyn taýarlardy ımporttaıtyn syrtqy ekonomıkalyq qyzmettiń 50 qatysýshysyna qatysty hronometrajdyq zertteý júrgizdi. Nátıjesinde, is júzinde barlyǵy qoldanystaǵy zańnamany buza otyryp, qarjy-sharýashylyq qyzmetin júrgizetini anyqtaldy.

«Zańbuzýshylyqtarǵa jol bergen syrtqy ekonomıkalyq qyzmettiń qatysýshylaryna qatysty ákimshilik jaýapkershilik sharalary qabyldanyp, 3,2 mlrd teńge kóleminde 80 - nen astam aıyppul salyndy», - dep atap ótti komıtet basshysynyń orynbasary.