Kontenttiń sapasyn arttyrýǵa erekshe mán berildi – Aqparat mınıstrligi

NUR-SULTAN. QazAqparat –2021 jyly teleólshem onlaın túrde qoljetimdi bolady. Bul týraly Aqparat jáne qoǵamdyq damý vıtse-mınıstri Kemelbek Oıshybaev málim etti, dep habarlaıdy QazAqparat tilshisi.

Onyń aıtýynsha, aqparattandyrý jumysymen qatar, mınıstrlik BAQ salasyn damytý boıynsha tıisti sharalardy qabyldap jatyr. Onyń ishinde otandyq telearnalardy sheteldegi qandastarymyzǵa jetkizý, kontenttiń sapasyn arttyrý, otandyq arnalardyń tehnıkasyn jańartý qamtylǵan.

«Egemen Qazaqstan» jáne «Kazahstanskaıa pravda» aktsıonerlik qoǵamdary biriktirildi. Barlyq osy sharalar aıaqtalǵannan keıin, 2021 jyly memlekettik basylymdar «Qazaq gazetteri» brendine biriktiriledi, - dep toqtaldy vıtse-mınıstr vedomstvonyń keńeıtilgen alqa májilisinde.

Kemelbek Oıshybaevtyń sózine qaraǵanda, «KazakhTV» telearnasyn shetelge taratý aıasynda 2020 jyly jańa memleketterdiń operatorlaryna qosyldy. Onyń arasynda Grýzııa, Germanııa, Reseı sııaqty elder bar. Jalpy, osy keńeıtýdiń arqasynda «KazakhTV» 47 memlekette taralyp otyr.

Budan bólek ol televızııa salasynda syn aıtylyp kele jatqan teleólshem baǵytynda ózgertýler júrgizilgenin aıtty. Jasalǵan jumystardyń arqasynda 2021 jyly teleólshem onlaın túrde qoljetimdi bolady jáne jańa tehnologııamen júrgiziledi.

Senatorlar dıplomatııalyq qyzmetti jetildirý máselelerin talqylady