Konsýldyq janynan kóshi-qonmenen tikeleı aınalysatyn shtat ashý qajet - S.Elýbaev
ALMATY. 26 sáýir. QazAqparat /Ádilet Musahaev/ - Konsýldyq vıza berýmen aınalysatyny belgili, aılaıda sonyń janynan kóshi-qonmenen tikeleı aınalysatyn shtatty ashý qajettigi týyndap otyr. Bul jaıynda tanymal jazýshy Smaǵul Elýbaev Almatyda kóshi-qon máseleleri tóńireginde ótken dóńgelek ústel barysynda aıtty.
S.Elýbaev Úrimjidegi konsýldyqta kezekte turǵan 8 myńǵa jýyq adamnan para alǵandary bolsa qyzmetinen bosatyp, jemqorlyqpen kúresý qajettigin alǵa tartty.
Sondaı-aq jazýshy eldegi saǵat ońǵa qaraı soqqanymen, shettegi qazaqtardyń saǵaty keıin aınalyp jatqandyǵyn, olardyń qytaılanýy, orystanýy, ózbektenýi júrip jatqandyǵyn aıtyp ótti.
S.Elýbaev: «Qazaqtardyń eń kóp ornalasqan jeriniń biri Qaraqalpaqstan. Sondaǵy Núkis qalasynan Qazaqstannyń konsýldyǵyn ashyp, ondaǵy qandastarǵa elge oralýǵa jaǵdaı jasaý kerek», -degen usynysyn bildirdi.
«Qazir Elbasymyz N.Nazarbaevtyń álem elderi arasynda bedeli óte joǵary. Onyń qandaı basshylarǵa bolmasyn aıtqan sózi júretin kezi. Osyndaı ǵajaıyp múmkindikti paıdalanyp, tarydaı shashylǵan qandastarymyzdy elge oraltsaq jaqsy bolar edi», -deıdi ol.
