Konstıtýtsııanyń sot pen prokýratýraǵa qatysty bóliminiń ataýy ózgeredi

ASTANA. KAZINFORM -  Konstıtýtsııada sot bıligin ákimshilik sot isin júrgizý arqyly júzege asyralatynyn tikeleı kórsetý usynyldy. Bul týraly búgin Konstıtýtsııalyq reformalar jónindegi komıssııanyń ekinshi otyrysynda Ádilet mınıstri Erlan Sársembaev málim etti.

- Konstıtýtsııanyń tıisinshi bóliminiń ataýyn «Ádil sot. Prokýratýra. Quqyq qorǵaý tetikteri» dep ózgertý usynylady. Burynǵy redaktsııasy: «Sottar jáne sot tórelegi. Prokýratýra. Adam quqyqtary jónindegi ýákil», - Erlan Sársembaev.

Budan buryn habarlanǵandaı, Astanada Konstıtýtsııalyq komıssııanyń ekinshi otyrysy bastaldy. Іs-shara konstıtýtsııalyq reformaǵa baılanysty túsken usynystardy talqylaýǵa arnaldy. 

QR Konstıtýtsııalyq Sotynyń tóraıymy Elvıra Ázimova komıssııaǵa eki myńnan astam usynys túskenin, olardyń barlyǵy birtutas jınaqtalǵan kestege toptastyrylǵanyn atap ótti.

Aıta keteıik, ákimshilik sottarǵa konstıtýtsııalyq quqyqtyq mártebe berý usynyldy.