Konstıtýtsııanyń preambýlasy ulttyq qundylyqtarymyzdy aıshyqtaıtyndaı qaıta jazylady

QYZYLORDA. KAZINFORM – Konstıtýtsııamyzdyń mátininde jekelegen qateler bar. Bul týraly Ulttyq quryltaıdyń V otyrysynda Memleket basshysy Qasym-Jomart Toqaev aıtty.

- Sonymen qatar Konstıtýtsııamyzdyń mátininde jekelegen qateler bary anyqtaldy. Kezinde termınologııalyq, stıldik kemshilikterge jol berilgen. Konstıtýtsııalyq reforma aıasynda osy olqylyqty da túzeýimiz kerek. Bul jumysqa zańgerlermen qatar, bilikti til mamandary shaqyrylady. Taǵy bir mańyzdy másele, biz Ata zańnyń preambýlasyn ulttyq qundylyqtarymyzdy aıshyqtap, qansha zaman ótse de, ózekti bolyp qala beretindeı etip qaıta jazýymyz kerek. Onda qazaq jerindegi órkenıet pen memlekettiliktiń tarıhy tereń ekeni naqty kórinis tabýǵa tıis. Sol arqyly biz Qazaqstannyń Uly daladaǵy uly memleketterdiń murageri ekenin pash etýimiz kerek. Budan bólek, Konstıtýtsııamyzǵa «Biz bárimiz Ádiletti Qazaqstandy eń joǵary maqsat retinde kózdeımiz jáne oǵan jetemiz» degen qaǵıdatty engizýimiz kerek, - dedi Prezıdent.

Aıta keteıik, Prezıdent jańa Parlamentke «Quryltaı» degen ataý berýdi usyndy.