Konstıtýtsııanyń basty erekshelikteriniń biri adam quqyqtaryna baǵdarlaýynda — Erlan Qarın

ASTANA. KAZINFORM — Konstıtýtsııanyń basty erekshelikteriniń biri adam quqyqtaryna baǵdarlaýynda. Bul týraly Konstıtýtsııalyq reformalar jónindegi komıssııanyń otyrysynda Memlekettik keńesshi — Konstıtýtsııalyq komıssııa tóraǵasynyń orynbasary Erlan Qarın aıtty. 

— Úshinshi — jańa Konstıtýtsııanyń taǵy bir basty ereksheligi adam quqyqtaryna baǵdarlaýynda. Adam quqyqtary men bostandyqtary jańa Preambýlada, birinshi bólimniń 1-babynda ǵana emes, Konstıtýtsııanyń «Negizgi quqyqtar, bostandyqtar men mindetter» dep atalatyn negizgi ekinshi bóliminde toptastyrylyp, aıqyndap, bólip kórsetilip otyr. Adam quqyqtary men bostandyqtary jańa quqyqtyq tetiktermen jáne kepildiktermen qamtamasyz etilgen, — dedi Erlan Qarın.

Memlekettik keńesshi Konstıtýtsııanyń jańa mátinde advokatýra men advokattyq qyzmet týraly arnaıy baptyń engizilýi soǵan dálel bolatynyn aıtty.

— Bul Advokattar qaýymdastyǵynyń kópten beri kóterip júrgen máselesi, negizgi usynysy bolatyn. Endi ol konstıtýtstııalyq deńgeıde ornyqty, — dedi ol.

Buǵan deıin E.Bóketov atyndaǵy Qaraǵandy ýnıversıtetiniń rektory Nurlan Dýlatbekov jańartylatyn Konstıtýtsııanyń kirispesindegi ózgeshelikterdi tárbıe quraly retinde baǵalady.