Konstıtýtsııanyń 30 jyldyǵy: jańa kollektsııalyq monetalar satylymǵa shyǵady

ASTANA.KAZINFORM - Qazaqstan Ulttyq banki 2025 jylǵy 27 tamyzda QUB-tyń ınternet-dúkeni arqyly «Este qalatyn oqıǵalar men birtýar adamdar» serııasynan «Qazaqstan Konstıtýtsııasyna 30 jyl» kollektsııalyq monetalary satyla bastaıtynyn habarlady.

Monetalar altyn jalatylǵan 925 synamdy kúmisten jasalǵan. Massasy –31,1 gramm, dıametri – 38,61 mm, daıyndaý sapasy – proof, nomınaly – 1 000 teńgelik, taralymy – 1 000 (bir myń) dana.

Kollektsııalyq monetalar Qazaqstan teńge saraıynda daıyndalǵan.

Aıta keteıik, Qazaqstanda kúmisten jasalǵan kollektsııalyq moneta paıda boldy.

Qazaqstannyń Ulttyq Banki 2025 jyldyń 29 shildesinen bastap Qazaqstan Ulttyq Bankiniń kazcoins.nationalbank.kz ınternet-dúkeni arqyly «Uly qolbasshylar» serııasynan ALEXANDER THE GREAT kollektsııalyq monetalaryn satylymǵa shyǵara bastaıdy.