Konstıtýtsııamyz el tarıhynda tuńǵysh ret qazaq tilinde jazylyp jatyr — Erlan Qarın

ASTANA. KAZINFORM — Memlekettik keńesshi Erlan Qarın jańa Konstıtýtsııanyń mátini aýdarma emestigin aıtty.

— Jańa Konstıtýtsııa jobasynyń memlekettik tildegi nusqasy — bul aýdarma emes. Qoldaryńyzdaǵy qazirgi joba — o bastan memlekettik tildiń múddesi turǵysynan jazylǵan joba. Eki ushty máseleler týyndaǵan kezde áýeli qazaq tilindegi nusqa nazarǵa alynyp otyr, — dedi ol Konstıtýtsııalyq komıssııanyń búgingi otyrysynda.

Ol muny qazaq tiliniń zań tilinen aınalý dep baǵalady.

— ıAǵnı, el tarıhynda tuńǵysh ret Konstıtýtsııamyz basynan aıaǵyna deıin quqyqtanýshylar men til mamandarynyń birlesip jumys isteýimen memlekettik tilde ázirlenip jatyr. Bul — qazaq tiliniń zań tiline aınalǵanyn, aıasy keńeıip, órkendegenin kórsetedi, — dedi Erlan Qarın.

Aıta keteıik, jańa Konstıtýtsııanyń jobasyn túrli mekemeler, ujymdar talqylap jatyr. 

Budan buryn Elvıra Ázimova Konstıtýtsııalyq komıssııa otyrysy barysynda qoǵammen ashyq dıalog jalǵasatynyn aıtty.