Konstıtýtsııalyq zań Alataýdy damytýdyń quqyqtyq negizin qalyptastyrady - Bozymbaev

ASTANA. KAZINFORM – Konstıtýtsııalyq zań Alataýdy damytýdyń quqyqtyq negizin qalyptastyrady. Bul týraly Premer-mınıstrdiń orynbasary Qanat Bozymbaev aıtty.

- Memleket basshysynyń tapsyrmasyna sáıkes ázirlengen Konstıtýtsııalyq zań Alataý qalasyn damytýdyń arnaıy quqyqtyq negizin qalyptastyryp, elimizde buryn qoldanylmaǵan tásilderdi qamtıdy. Bul bastama qala aldynda jańa múmkindikterdi ashyp otyr. Árıne, olar Alataýdyń damýyna, jańa deńgeıge shyǵýyna yqpal etetindigi sózsiz, - dedi Qanat Bozymbaev Parlament palatalarynyń birlesken otyrysynda.

Osy rette «Alataý qalasynyń arnaýly quqyqtyq rejımi týraly» Konstıtýtsııalyq zańdy qaraý jáne qabyldaý barysynda belsendi jumys istegen Parlament palatalarynyń birlesken komıssııasyna, barlyq depýtatqa, sonymen qatar Májilis pen Senat apparatynyń qoldaýyna rızashylyǵyn bildirdi.

- Sizderdiń usynystaryńyz qujatty sapasyn odan ary jetildirýge múmkindik berdi, - dedi vıtse-premer.

Aıta keteıik, Parlament palatalarynyń birlesken otyrysynda Alataý qalasynyń arnaýly quqyqtyq rejımi týraly Konstıtýtsııalyq zańdy qabyldandy.