Konstıtýtsııalyq túzetýler jastar quqyǵyn qorǵap, bilim men shyǵarmashylyq erkindikti kúsheıtedi
ASTANA. KAZINFORM – Konstıtýtsııaǵa dindi memleketten bóletin jáne zııatkerlik menshikti qorǵaýdy kúsheıtetin bilim berýdiń zaıyrly sıpatyn bekitetin túzetýler Qazaqstannyń jasandy ıntellekt dáýirinde damýyna yqpal etetin bolady. Mundaı pikirdi Konstıtýtsııalyq reforma jónindegi komıssııanyń úshinshi otyrysynda «Keleshek» jastar keńesiniń basshysy Gúlzıra Atabaeva aıtty.
– Bilim berýdiń zaıyrly sıpatyn naqty túrde bekitý jónindegi usynys jastar úshin asa mańyzdy ári ýaqtyly qadam. Bul abstraktili másele emes, naqty praktıkalyq is. Mektep teń múmkindikter keńistigi, dástúrlerge qurmet saqtalatyn, alaıda qandaı da bir kózqarasty tańý nemese radıkaldy yqpaldarǵa jol berilmeıtin orta bolýy tıis. Konstıtýtsııada tikeleı normanyń bekitilýi tárbıe men bilim berý júıesi úshin aıqyn baǵdar bolady, - dedi ol.
Sonymen qatar ol óz sózinde din men memlekettiń bóliný qaǵıdatyn naqty ári birmándi túrde bekitý jónindegi usynys ta erekshe mańyzdy. Bul ar-ojdan bostandyǵyn shekteý emes, kerisinshe, ony qorǵaý. Jastar úshin bul memlekettiń barshaǵa beıtarap ári teń qaraıtynynyń kepili. Mundaı sezimtal saladaǵy konstıtýtsııalyq normalardyń aıqyndyǵy qoǵamdyq kelisimdi nyǵaıtyp, bılik ınstıtýttaryna senimdi arttyrady dep atap ótti.
– Sonymen qatar Konstıtýtsııada memlekettik oqý oryndarynda tegin orta bilim alý kepildigin saqtaý jáne elimizde orta bilimniń mindetti ekendigin bekitý ádiletti qadam. Buǵan qosa, shyǵarmashylyq erkindik, sóz bostandyǵy jáne zııatkerlik menshikti qorǵaý kepildikterin kúsheıtý bastamasy qoldaý tapty, - dedi spıker.
Sondaıa-aq ol tsıfrlandyrý men jasandy ıntellekt dáýirinde biz álemdik úrdisterge ilesip qana qoımaı, sol úrdisterdi ózimiz qalyptastyrýymyz qajet. Usynylǵan bastamalar qoǵamnyń aıqyn erejelerge, kúshti ári ádiletti, bolashaqqa baǵdarlanǵan memleketke degen suranysyn kórsetedi. Konstıtýtsııada osy normalardy bekitý Qazaqstan Respýblıkasynyń qaýipsizdik pen ornyqty damý qundylyqtaryn nyǵaıtý jolyndaǵy mańyzdy qadam bolatynyn aıtty.
Buǵan deıin «Zań men tártip» qaǵıdaty týraly Májilis depýtaty Magerram Magerramov Konstıtýtsııalyq reformalar jónindegi komıssııanyń úshinshi otyrysynda aıtty.