Konstıtýtsııalyq sot sheshimderi memorgandardyń jedel den qoıýyn talap etedi
ASTANA. KAZINFORM – Konstıtýtsııalyq sottyń sheshimderi ýákiletti memlekettik organdar tarapynan jedel den qoıýdy talap etedi. Bul týraly Parlament palatalarynyń birlesken otyrysynda Konstıtýtsııalyq sot tóraǵasy Elvıra Ázimova aıtty.
«Zańnamalyq túzetýlerdi ázirleý jónindegi jumysty Konstıtýtsııalyq sottyń usynymdaryn eskere otyryp, jalǵastyrý qajet. Konstıtýtsııalyq zańdylyqty qamtamasyz etýdi baqylaý tetigin kúsheıtý maqsatynda zań shyǵarýshy mynadaı máselelerge ústeme nazar aýdarýy qajet. Birinshiden, Konstıtýtsııalyq sottyń sheshimderi ýákiletti memlekettik organdar tarapynan jedel den qoıýdy talap etedi. Zań deńgeıinde Konstıtýtsııalyq sottyń sheshimderin iske asyrýda normatıvtik quqyqtyq aktilerdi ázirleýdiń ońaılatylǵan tártibi konstıtýtsııalyq emes dep tanylǵan aktilerge nemese olardyń jekelegen erejelerine qatysty ǵana kózdelgen. Norma Konstıtýtsııalyq sot bergen túsindirmede Konstıtýtsııaǵa sáıkes keledi dep tanylǵan jaǵdaıda bul tetik qoldanylmaıdy», - dedi ol.
Onyń aıtýynsha, ekinshiden, zańnamalyq usynystardyń quqyqtyq jáne praktıkalyq negizdiliginiń jetkiliksiz pysyqtalýy, mamandardyń qorytyndylaryna jáne quqyqtyq saldar boljamyna tıisinshe nazar aýdarmaý sapasyz normatıvtik quqyqtyq aktini qabyldaýǵa, tipti ony konstıtýtsııalyq emes dep tanýǵa ákep soǵýy múmkin.
Konstıtýtsııalyq sot sheshimderiniń oryndalýyna tekserýdi jáne Joǵarǵy sottyń sot praktıkasyn jınaqtaýdy esepke alýdy zańnamaǵa quqyqtyq monıtorıng quraldary retinde qosý oryndy.
«Úshinshiden, Konstıtýtsııalyq sot óz sheshimderinde qaralǵan zańdardyń olardy qoldanysqa engizý tártibin retteıtin qorytyndy jáne ótpeli erejelerinde jańa talaptardyń keri kúshi týraly erejeler kózdelmegenin kórsetken bolatyn. Bul rette Parlament qabyldaǵan zańdardyń, eger bul týraly sheshim zańnyń ózinde nemese ony qoldanysqa engizý týraly qaýlyda bekitilgen bolsa, keri kúshi bolýy múmkin dep túsindirildi. Bul ásirese tyıym salýlar, shekteýler, jeńildikter nemese kótermeleý sharalary engizetin jańa zańdardyń normalaryna qatysty», - dedi Konstıtýtsııalyq sot tóraǵasy.
Elvıra Ázimovanyń atap ótýinshe, tórtinshiden, konstıtýtsııalyq zańnyń 63-babynyń 4-tarmaǵynda Konstıtýtsııalyq sot osyndaı sheshim qabyldaǵan jaǵdaıda ony qoldaný kezinde ózgeshe túsindirý bolmaıdy, al onyń saldary konstıtýtsııalyq emes dep sheshim qabyldaý kezindegi jaǵdaımen birdeı bolady dep aıqyndalǵan. Konstıtýtsııalyq sottyń normatıvtik qaýlysynyń bul túrin jańadan ashylǵan mán-jaılar boıynsha sottyń is júrgizýdi qaıta bastaýy úshin negizder tizbesine engizgen oryndy.
«Besinshi, Joǵarǵy sottyń sot praktıkasyn jınaqtaýyna sottardyń Konstıtýtsııalyq sottyń normatıvtik qaýlylaryn qoldanýyn taldaýdy engizgen jón. Bul azamattardy sot arqyly qorǵaýdy kúsheıtýge múmkindik beredi. Altynshy, quqyq buzýshylyq túrleri úshin olardyń qoǵamǵa qaýiptiligine jáne eldegi krımnogendik ahýalǵa negizdelgen mólsherles jaýaptylyqty belgileý máselesi tereń zertteýdi talap etedi. Sonymen birge, zań shyǵarýshynyń osy máselelerdegi dıskretsııalyq ókilettiginiń aıasy adamnyń jáne azamattyń quqyqtary men bostandyqtaryn shekteýdiń jol beriletin konstıtýtsııalyq shegine sáıkes kelýge tıis», - dedi ol.
