Konstıtýtsııalyq sot: Shartty túrde merziminen buryn bosatý zańǵa sáıkes qaralýy kerek
ASTANA. KAZINFORM — Konstıtýtsııalyq Sot Qazaqstan Respýblıkasy qylmystyq-atqarý zańnamasynyń ýaqytqa qaraı qoldanylýyn aıqyndaıtyn Qylmystyq-atqarý kodeksiniń 2-baby 2-bóliginiń Konstıtýtsııaǵa sáıkestigin tekserý týraly azamattardyń ótinishterin qarady.
Atalǵan normaǵa sáıkes jazalardy jáne ózge de qylmystyq-quqyqtyq yqpal etý sharalaryn oryndaý jáne óteý, sottalǵandarǵa túzeý quraldaryn qoldaný, sondaı-aq bosatylatyn sottalǵandarǵa kómek kórsetý olardy oryndaý kezinde qoldanysta bolatyn Qazaqstan Respýblıkasynyń zańnamasyna sáıkes júzege asyrylady.
- Azamattardyń Konstıtýtsııalyq Sotqa júginýine sottardyń qylmystyq jazadan shartty túrde merziminen buryn bosatýdan bas tartýy sebep boldy. Sottar óz sheshimin aýyr jáne asa aýyr sybaılas jemqorlyq qylmysy úshin sottalǵan adamdarǵa jazadan shartty túrde merziminen buryn bosatýdy qoldanýdy shekteıtin Qylmystyq kodekstiń 72-babynyń segizinshi bóliginiń 3) tarmaǵyna jáne Qylmystyq-atqarý kodeksiniń 2-babynyń ekinshi bóligine silteme jasaı otyryp, ýájdedi.
Ótinish ıeleriniń pikirinshe, Qylmystyq-atqarý kodeksiniń daý aıtylyp otyrǵan normasy Konstıtýtsııaǵa qaıshy keledi, óıtkeni shartty túrde merziminen buryn bosatýǵa tyıym salý engizilgenge deıin jasalǵan tıisti sanattaǵy qylmystar úshin sottalǵandardyń jaǵdaıyn nasharlatady, - dep jazdy joǵarǵy organnan.
Kodekstiń kórsetilgen normasynyń konstıtýtsııalylyǵyn tekserý nátıjeleri boıynsha Konstıtýtsııalyq Sot daý aıtylyp otyrǵan normany Konstıtýtsııaǵa sáıkes dep tanydy.
Buǵan deıin Konstıtýtsııalyq Sot 2024 jylǵy 16 mamyrdaǵy №44-NQ normatıvtik qaýlysynda jazasyn óteýden shartty túrde merziminen buryn bosatýdy qoldaný-qoldanbaý máseleleri qylmystyq zańnyń ózinde belgilengen keri kúsh erejeleri eskerile otyryp, shartty túrde merziminen buryn bosatýdy qoldaný kezinde qoldanysta bolatyn (kináli dep taný jáne jazalaý týraly úkim shyǵarýǵa negiz bolǵan) qylmystyq zańǵa sáıkes sheshiledi dep kórsetken bolatyn.
Sonymen qatar, Konstıtýtsııalyq Sot sot praktıkasynyń birkelkiligin qamtamasyz etý maqsatynda Joǵarǵy Sotqa qabyldanǵan normatıvtik qaýlydaǵy quqyqtyq ustanymdardy eskere otyryp, aýyr jáne asa aýyr sybaılas jemqorlyq qylmys jasaǵan adamdarǵa shartty túrde merziminen buryn bosatýdy qoldaný máseleleri boıynsha qosymsha túsindirýler berýdi usyndy.