Konstıtýtsııalyq Sot qamaý merzimin uzartý normasynyń zańdylyǵyn qaraıdy
ASTANA. KAZINFORM – Konstıtýtsııalyq Sot Qylmystyq-protsestik kodekstiń bultartpaý sharasyn uzartýǵa qatysty normasynyń Konstıtýtsııaǵa sáıkestigin tekserýge kiristi.
Sot málimetinshe, aýyr qylmystar boıynsha qamaýda ustaý merzimin 12 aıǵa deıin uzartýǵa múmkindik beretin QPK-niń 342-babynyń úshinshi bóligine qatysty ótinish qaraýǵa qabyldanǵan.
Ótinish berýshi atalǵan normanyń tujyrymdary jetkilikti dárejede aıqyn emes ekenin jáne baptyń jekelegen bólikteri arasynda qaıshylyqtar bar ekenin alǵa tartqan.
– Ótinishte keltirilgen ýájder mátinniń yqtımal aıqyn emestigi týraly boljamdarǵa negizdelgen. Al daýlanyp otyrǵan norma bultartpaý sharasyn uzartýdyń naqty protsessýaldyq tártibin belgileıdi jáne Qylmystyq-protsestik kodeks normalary júıesinde qoldanylyp, qorǵaý múddeleri men protsessýaldyq qajettilik arasyndaǵy tepe-teńdikti qamtamasyz etedi, – dep málimdedi Konstıtýtsııalyq Sot.
Vedomstvo tekserý barysy men qorytyndylary týraly aqparat Konstıtýtsııalyq Sottyń resmı saıtynda jáne Telegram-arnasynda jarııalanatynyn habarlady.
Aıta keteıik, buǵan deıin Stalkıng týraly zań qalaı jumys istep jatqanyn jarııaladyq.
