Konstıtýtsııalyq sot býkmekerlerge qatysty mańyzdy sheshim shyǵardy

ASTANA. KAZINFORM – Konstıtýtsııalyq sot qazaqstandyq azamattyń býkmekerlik keńsede utysty tólemeý jaǵdaıynda sot qorǵaý quqyǵyn shekteý normasyn tekserý týraly ótinishin qarastyrdy. 

Конституциялық сот букмекерлерге қатысты маңызды шешім шығарды
Фото: Конституциялық сот

Býkmekerlik keńse iri utysty tóleýden bas tartyp, stavkalardy joıyp, qabyldaý erejeleriniń buzylǵanyn alǵa tartqan. Buǵan jaýap retinde oıynshy bul sheshimmen kelispeı, Konstıtýtsııalyq sotqa júgingen.

Tekserýdiń negizi Azamattyq kodekstiń 914-baby boldy. Bul bapqa sáıkes, eger uıymdastyrýshy oıyn ótkizý erejelerin saqtasa, oıyndar men bás tigýlerge qatysty daýlar sot qorǵaýyna jatpaıdy. Erekshe jaǵdaılar tek 913-bapta kórsetilgen.

Ótinish sýbektisiniń pikirinshe, mundaı shekteý Konstıtýtsııaǵa qaıshy keledi, utys somalaryn óndirip alý týraly talap qoıýlary boıynsha sot arqyly qorǵalý quqyǵyn shekteıdi jáne oıyn bıznesin uıymdastyrýshylarǵa qatysty ózin teń emes jaǵdaıǵa qoıady. 2023 jylǵy jeltoqsanda ótinish berýshi utys somasyn óndirip alý týraly talap qoıýmen sotqa júgingen. Kodekstiń 914-babyna silteme jasaı otyryp, birinshi satydaǵy sot is boıynsha is júrgizýdi toqtatqan, al apellıatsııalyq saty sheshimdi ózgerissiz qaldyrǵan,  – dep málimdedi sot.

Tekserý nátıjeleri boıynsha Konstıtýtsııalyq Sot qumar oıyndar men bás tigýden týyndaıtyn qatynastar quqyqtyq qorǵaýǵa jatpaıdy dep tanylady, óıtkeni olardyń ereksheligi – taraptardyń zańmen belgilengen qarsy mindettemeleriniń bolmaýynda jáne kepildik berilgen oryndaýdyń múmkin emestiginde dep atap kórsetti. Mundaı tásil Konstıtýtsııaǵa qaıshy kelmeıdi. Óz kezeginde, memleket lıtsenzııasyn alǵan oıyn bıznesi sýbektisi uıymdastyrǵan qumar oıyndar men bás tigýde utys utqandardyń sot arqyly qorǵalýyna jol bermeý Qazaqstan Respýblıkasy azamattyq zańnamasynyń negizgi bastaýlaryna qaıshy keledi jáne qumar oıyndardyń lıtsenzııalanǵan uıymdastyrýshylarynyń shart mindettemelerin oryndamaýyn órshitedi.

Sonymen qatar Konstıtýtsııalyq Sot AK-niń 914-babynyń keıbir erejeleri qoldanystaǵy redaktsııasynda jetkilikti túrde anyq tujyrymdalmaǵan, olardy birkelki túsinýdi jáne qoldanýdy qamtamasyz etýge múmkindik bermeıdi, ártúrli ınterpretatsııalaýǵa jol beredi dep atap ótti.

Osy jazylǵandardyń negizinde, Konstıtýtsııalyq Sot AK-niń 914-babyn «oıyn bıznesin uıymdastyrýshy qumar oıyndaryn jáne (nemese) bás tigýdi ótkizýdiń sharttaryn saqtaǵan kezde» degen sózder bóliginde Konstıtýtsııaǵa sáıkes kelmeıdi dep tanydy jáne Úkimetke belgilengen tártippen Qazaqstan Respýblıkasynyń zańnamasyn osy normatıvtik qaýlyǵa sáıkes keltirý máselesin qaraýdy usyndy, - delingen habarlamada.

Eske salsaq Konstıtýtsııalyq sot beıbit jınalystardy ótkizý tártibi týraly normaǵa túsindirme bergen edi.

 

Сейчас читают