Konstıtýtsııalyq Sot: bankrottyq rásimine qol jetkizý sharttarynda kemsitýshilik belgileri joq
ASTANA. KAZINFORM - Konstıtýtsııalyq Sot kredıtordyń sanatyna qaraı sot arqyly bankrottyq rásimine qol jetkizýdiń ártúrli bolýyna qatysty másele kóterilgen ótinishti qarady, dep habarlaıdy sottyń baspasóz qyzmeti.
Ondaǵy málimetterge qaraǵanda, ótinish berýshiniń pikirinshe, mundaı talap múliktik jaǵdaıy birdeı azamattardyń quqyqtyq jaǵdaıynda aıyrmashylyq týǵyzýy múmkin.
Іs materıaldaryn zerdeleý nátıjesinde Konstıtýtsııalyq Sot daý týdyryp otyrǵan normanyń Konstıtýtsııaǵa qaıshy kelmeıtinin anyqtady. Zańnamada sot arqyly bankrottyq rásimin qoldanýdyń biryńǵaı sharttary belgilengen jáne tıisti ótinishpen júginýge quqyǵy bar adamdar tobyna shekteý qoıylmaǵan.
-Ótinish berýshiniń sot arqyly qorǵalý quqyǵynyń buzylǵany týraly ýájderi de rastalmady. Onyń zańdy sottardyń durys qoldanýyna jáne istiń naqty mán-jaılaryna baǵa berý týraly talaby Konstıtýtsııalyq Sottyń ókilettigine jatpaıdy. Osylaısha, ótinishti konstıtýtsııalyq is júrgizýge qabyldaýǵa negizder anyqtalǵan joq,-delingen habarlamada.
Osyǵan deıin bankrottyqty rásimdeý protsesi jeńildetilgeni týraly jazdyq.
