Konstıtýtsııalyq reformalar Qazaqstan bolashaǵynyń berik negizi — Aqylbek Kúrishbaev

ASTANA. KAZINFORM – Ulttyq ǵylym akademııasynyń prezıdenti Aqylbek Kúrishbaev konstıtýtsııalyq reformalardyń mańyzdylyǵyna toqtaldy. 

Onyń aıtýynsha, jahandyq turaqsyzdyq jaǵdaıynda zańnamalyq bazany jańartý memlekettilikti nyǵaıtý jáne ulttyq múddelerdi qorǵaý úshin qajet.

— Qazirgi bolyp jatqan Konstıtýtsııalyq ózgeristerdiń sebebi nede? Ózgeristerdiń logıkasy nede? Jahandyq ózgerister, halyqaralyq standarttar, qundylyqtar ózgerip jatqan kezeńde Qazaqstan myqty júıe qurý kerek. Myqty memlekettik júıe qurý úshin zańdar ózgerý kerek. Zańdar myqty bolý kerek. Sonyń ishinde birinshi kezekte — Ata zańymyz. Osyǵan baılanysty úlken ózgerister bar. Bul eldiń erteńin oılaıtyn memlekettiń is-qımyly dep bilýge bolady, — dep atap ótti Aqylbek Kúrishbaev. 

Aıta ketelik Bektenov jańa Konstıtýtsııa jobasyn halyqqa jan-jaqty túsindirý jumystaryn kúsheıtýdi tapsyrǵan edi.