Konstıtýtsııalyq reforma jónindegi komıssııanyń kelesi otyrysy ótetin kún naqtylandy

ASTANA. KAZINFORM – Konstıtýtsııalyq reforma jónindegi komıssııanyń alǵashqy otyrysyndaǵy usynystar jınaqtalady. Bul týraly Astanada Konstıtýtsııalyq sot tóraǵasy Elvıra Ázimova málim etti. 

– Búgingi alǵashqy otyrysta baıandamashylar jumys tobyndaǵy pikirtalas barysynda júıelengen usynystardy jarııalady. Osy usynystar búgin bizge tapsyryldy. Odan basqa, búgin biraz adamnyń usynysyn tyńdadyq, ıaǵnı olar naqty bastamalardy atap ótti. Endi bizge sál ýaqyt kerek. Osy oraıda atalǵan usynystardy jınaqtap, salystyrmaly kestege jınaqtaıyq. Kelesi otyrystarda osy keste boıynsha jumysqa kósheıik, - dedi E. Ázimova. 

Osy oraıda ol aldaǵy otyrysta naqty pikirler aıtylyp, komıssııa jańa normalar men túzetýler engizý baǵytynda jumys isteıtinin aıtty. 

– Kelesi otyrysty dúısenbi kúni ótkizeıik. Aldyn ala ýaqytyn taǵy aıtamyz, - dedi Elvıra Ázimova.

Budan buryn habarlanǵandaı, búgin Astanada Konstıtýtsııalyq reforma jónindegi komıssııanyń alǵashqy otyrysy bastaldy.