Konstıtýtsııalyq reforma: Prezıdent kimderdi derbes taǵaıyndaı alady

ASTANA. KAZINFORM – Prezıdentke birqatar memlekettik organnyń birinshi basshylaryn jeke-dara taǵaıyndaý quqyǵy berilmek. Bul týraly Konstıtýtsııalyq reformalar jónindegi komıssııanyń ekinshi otyrysynda Ádilet mınıstri Erlan Sársembaev aıtty.

- Sonymen qatar Prezıdentke qyzmeti ulttyq qaýipsizdikti, qarjylyq turaqtylyqty jáne quqyq ústemdigin qamtamasyz etýge tikeleı qatysy bar memlekettik organdardyń birinshi basshylaryn jeke-dara taǵaıyndaý usynylady. Bul Bas prokýror, Konstıtýtsııalyq sottyń, Joǵarǵy sottyń, Ulttyq bank, Ulttyq qaýipsizdik komıteti, Ortalyq saılaý komıssııasy, Joǵarǵy aýdıtorlyq palata, Joǵarǵy sot keńesi tóraǵalary, Memlekettik kúzet qyzmetiniń bastyǵy, Adam quqyqtary jónindegi ýákil laýazymdaryna qatysty, - dedi Erlan Sársembaev.

Mınıstrdiń paıymynsha, mundaı tásil atalǵan laýazymdy tulǵalardyń Memleket basshysynyń aldynda jeke jaýapkershiligi men eseptiligin qarastyrady, taǵaıyndaýlardyń jyldamdyǵyn qamtamasyz etedi jáne memlekettik organdardyń jumysynyń turaqtylyǵyn ásirese daǵdarys sátterinde kepildik beredi,.

Buǵan deıin ol Prezıdentke qandaı laýazym ıelerin Quryltaıdyń kelisimimen taǵaıyndaý quqyǵy beriletinin aıtqan edi.