Konstıtýtsııalyq reforma: Halyq keńesi referendým ótkizýge bastama kótere alady
ASTANA. KAZINFORM – Konstıtýtsııalyq reforma jónindegi komıssııanyń kezekti otyrysynda Konstıtýtsııalyq sot tóraǵasynyń orynbasary Baqyt Nurmuhanov Qazaqstan Halyq keńesine respýblıkalyq referendým ótkizý týraly bastama kóterý quqyǵy beriletinin málim etti.
– Onyń Quryltaıǵa zań jobalaryn engizý, respýblıkalyq referendým taǵaıyndaý týraly usynysqa bastama jasaý ókilettikteri belgilendi, - dedi ol.
Aıtýynsha, bul Konstıtýtsııaǵa Qazaqstan Halyq keńesine qatysty máselelerdi retteıtin jeke bólim usynýdy qajet etedi.
– Quramyna el azamattary kiretin bul joǵary konsýltatıvtik organ Qazaqstan halqynyń múddesin bildiredi, - dedi Konstıtýtsııalyq sot tóraǵasynyń orynbasary.
Jalpy Konstıtýtsııalyq komıssııa otyrysynda partııalar qandaı usynys aıtqanyn myna silteme arqyly oqýǵa bolady.