Konstıtýtsııalyq reforma aıasynda kelip túsken barlyq usynys tereń kózqaraspen qaralady — Únzıla Shapaq

ASTANA. KAZINFORM — Konstıtýtsııa preambýlasyn jańartý — bul tek redaktsııalyq túzetý emes. Bul týraly Astanada Konstıtýtsııalyq reforma jónindegi komıssııanyń alǵashqy otyrysynda Parlament Májilisiniń depýtaty Únzıla Shapaq málim etti. 

— Eń bastysy — bir maqsat, bir murat jolynda uıysqan halqymyzdyń birligi men baıandy bolashaǵy. Osy asyl qundylyqtardy arqaý ete otyryp, búgingi otyrysta men Konstıtýtsııalyq reformany tereńdetý aıasynda Konstıtýtsııa preambýlasyn jańǵyrtý, onyń mazmunyn zaman talabyna saı qaıta ózektendirý máselesine toqtalmaqpyn. Konstıtýtsııa preambýlasyn jańartý — bul tek redaktsııalyq túzetý emes. Bul — ulttyq memlekettilikti nyǵaıtatyn, eldiń ıdeıalyq baǵdaryn aıqyndaıtyn mańyzdy qadam. Memleket basshysy da preambýlada ulttyq qundylyqtardy negizge alý qajettigin naqty atap ótti, — dedi Únzıla Shapaq.

Osy oraıda ol qazaq dalasynan bastaý alatyn órkenıet pen memlekettilik dástúriniń sabaqtastyǵyn aıqyn kórsetý mańyzdy ekenin atap ótti.

— Sondyqtan Konstıtýtsııalyq reforma aıasynda kelip túsken barlyq usynysqa ústirt emes, baıyppen ári tereń kózqaraspen qaraý - ortaq mindetimiz. Ózdeńizge málim, buǵan deıin qurylǵan Parlamenttik reforma jónindegi jumys toby óz mıssııasyn abyroımen aıaqtady. Sol kezeńde jumys tobyna túsken usynastyrdyń ishinde Konstıtýtsııa preambýlasyna qatysty salmaqty da, salıqaly oı-pikirler az bolǵan joq, — dedi depýtat.

Aıta keteıik, Jibek Joly arnasy Konstıtýtsııalyq reforma jónindegi komıssııanyń birinshi otyrysyn tikeleı efırde kórsetip jatyr.

Buǵan deıin Konstıtýtsııalyq komıssııanyń quramynda kimder kirgenin jazǵan edik.