Konstıtýtsııalyq komıssııanyń kelesi otyrysy 9 aqpanda ótedi

ASTANA. KAZINFORM — Jańa Konstıtýtsııa jobasy boıynsha azamattardan keletin árbir usynys jan-jaqty taldanyp, kásibı baǵalaýdan ótip jatyr. Bul týraly Konstıtýtsııalyq sot tóraǵasy Elvıra Ázimova aıtty.

E. Ázimova Konstıtýtsııalyq komıssııa múshelerine jáne usynystary men bastamalaryn bildirgen barlyq azamattarǵa shynaıy alǵysyn aıtty.

– Konstıtýtsııalyq komıssııa músheleri azamattardan kelip jatqan árbir usynysty muqııat zertteıdi jáne osy usynystar jan-jaqty talqylanyp, kásibı baǵalaýdan ótip jatyr. Árbir otyrysta biz komıssııa músheleriniń kóterip jatqan máselesin tyńdap kelemiz. Kórip otyrǵanyńyzdaı, usynylǵan bastamalar jańa Konstıtýtsııa jobasyn jetildirý barysynda eskerilip keledi. Búgin Baqyt Nurmuhanov naqty usynystardy tanystyrdy. Jıyntyq kesteni kórdińizder, kelesi otyrystarda osyndaı formatpen baıandamalar jasaıyq. Búgingi usynystardy eskerip, jıyntyq keste usynýdy suraımyn, – dedi E. Ázimova Konstıtýtsııalyq komıssııanyń toǵyzynshy otyrysynda.

Onyń aıtýynsha, komıssııa otyrysynan keıin termınologııalyq birizdilikti qamtamasyz etetin jumys toby óz jumysyn bastaıdy.

Komıssııanyń kelesi otyrysy dúısenbi – 9 aqpanǵa josparlanyp otyr.

Buǵan deıin Memlekettik keńesshi Erlan Qarın Qazaqstan jańa Konstıtýtsııasymen ózge elderge úlgi bola alatynyn aıtqan edi.