Konstıtýtsııalyq komıssııa: Joǵarǵy Sot tóraǵasynyń mártebesine qatysty ózgeris bolýy múmkin
ASTANA. KAZINFORM - Joǵarǵy Sottyń tóraǵasy ókilettik merzim ishinde bir mezgilde Joǵarǵy Sottyń sýdıasy da bolatyny naqtylanady. Bul týraly búgin Konstıtýtsııalyq reformalar jónindegi komıssııanyń ekinshi otyrysynda Ádilet mınıstri Erlan Sársembaev málim etti.
- Quqyqtyqtyq aıqyndyqty qamtamasyz etý maqsatynda Konstıtýtsııanyń 82-babyna Joǵarǵy Sottyń tóraǵasy ókilettik merzimi ishinde bir mezgilde Joǵarǵy Sottyń sýdıasy da bolatyny týraly naqtylaý engiziledi. 82-baptyń tıisinshe tarmaqtaryn jergilikti jáne basqa sottardyń tóraǵalaryn, sondaı-aq sot alqarynyń tóraǵalaryn taǵaıyndaýǵa qatysty normalardy alyp tastaý usynylady. Bul máselelerdi retteýdi Konstıtýtsııalyq zań deńgeıine berý oryndy dep sanaımyz, - dedi E.Sársembaev.
Budan buryn habarlanǵandaı, Astanada Konstıtýtsııalyq komıssııanyń ekinshi otyrysy bastaldy. Іs-shara konstıtýtsııalyq reformaǵa baılanysty túsken usynystardy talqylaýǵa arnaldy.
QR Konstıtýtsııalyq Sotynyń tóraıymy Elvıra Ázimova komıssııaǵa eki myńnan astam usynys túskenin, olardyń barlyǵy birtutas jınaqtalǵan kestege toptastyrylǵanyn atap ótti.