Konstıtýtsııalyq komıssııa: eki myńnan astam usynys tústi
ASTANA. KAZINFORM - Astanada Konstıtýtsııalyq komıssııanyń ekinshi otyrysy bastaldy. Іs-shara konstıtýtsııalyq reformaǵa baılanysty túsken usynystardy talqylaýǵa arnaldy.
Komıssııa jumysy ashyqtyq pen jarııalylyq qaǵıdattaryna negizdelgen, al talqylaýdyń barlyq kezeńi jurtshylyq úshin tikeleı efırde kórsetilip jatyr.
Otyrystyń moderatory, QR Konstıtýtsııalyq Sotynyń tóraıymy Elvıra Ázimova komıssııaǵa eki myńnan astam usynys túskenin, olardyń barlyǵy birtutas jınaqtalǵan kestege toptastyrylǵanyn atap ótti.
Onyń aıtýynsha, azamattar men sarapshylardyń belsendi qatysýy konstıtýtsııalyq ózgeristerdiń qoǵamdyq mańyzyn jáne reformaǵa degen joǵary qyzyǵýshylyqty aıqyn kórsetedi.
«Mundaı dıalog formaty reformanyń negizgi qaǵıdatyn kórsetedi: konstıtýtsııalyq reforma eń aldymen halyqtyń múddesi úshin jáne onyń tikeleı qatysýymen júrgiziledi», - dedi Elvıra Ázimova.
Otyrys aıasynda úsh negizgi spıkerdiń baıandamalary tyńdalady - ádilet mınıstri Erlan Sársembaev, Senat depýtaty Nurlan Beknazarov jáne Májilis depýtaty Snejanna Imasheva.
Olar 2025 jyldyń qazan aıynan bastap túsken usynystar negizinde ázirlengen quqyqtyq tásilder men túzetýlerdi usynady.