Konstıtýtsııaǵa 30 jyl: Qandaı qylmys jasaǵandar raqymshylyqqa ilinbeıdi

ShYMKENT. KAZINFORM - Shymkent pen Túrkistan oblysy boıynsha qylmystyq-atqarý júıesi departamentine qarasty mekemelerde jazasyn ótep jatqan 675 sottalǵannyń jeke isteri zerdelenip, raqymshylyqqa ilikti.

Shymkent qalasy jáne Túrkistan oblysy boıynsha qylmystyq-atqarý júıesi departamenti usynǵan aqparatqa súıensek, Konstıtýtsııanyń 30 jyldyǵyna oraı jarııalanǵan raqymshylyq keıbir sanattaǵy adamdarǵa qoldanylmaıdy.

Atap aıtqanda: 

• sybaılas jemqorlyq qylmystar;

• terrorıstik qylmystar;

• ekstremıstik qylmystar jáne ekstremızm belgileri bar qylmystar;

• kámeletke tolmaǵandardyń jynystyq tıispeýshiligine qarsy qylmystar (erekshe jaǵdaılardy qospaǵanda);

• azaptaý faktilerin jasaǵandar;

• qylmystyń qaıtalanýy nemese qaýipti qaıtalanýy kezinde jaza taǵaıyndalǵan;

• ómir boıyna bas bostandyǵynan aıyrý jazasy taǵaıyndalǵandar;

• qylmystyq top, uıymdasqan top, qylmystyq uıym, qylmystyq qoǵamdastyq, transulttyq uıymdasqan top, transulttyq qylmystyq uıym, transulttyq qylmystyq qoǵamdastyq, terrorıstik top, ekstremıstik top, banda nemese zańsyz áskerılendirilgen quralym quramynda qylmystar jasaǵan

• ózderine qatysty jaza oryndalǵan jáne jazasyn ótegen, 

• jazasyn óteý barysynda qasaqana qylmys jasaǵandar.

Sonymen qatar, úkimderdiń jıyntyǵyna kiretin jáne osy Zań kúshi qoldanylmaıtyn qylmystyq quqyqbuzýshylyqtar jasaǵan adamdarǵa da raqymshylyq júrmeıdi.

Aıta keteıik, budan buryn Túrkistan men Shymkentte 48 adam raqymshylyqpen bostandyqqa shyqqanyn jazǵan bolatynbyz.