Konstıtýtsııadaǵy «qoǵamnyń rýhanı-adamgershilik qundylyqtary» BUU paktisimen sáıkestendiriledi

ASTANA. KAZINFORM — Konstıtýtsııalyq reformalar jónindegi komıssııanyń kezekti otyrysynda Memlekettik keńesshi Erlan Qarın Ata zańnyń jańartylǵan nusqasynda BUU paktisimen sáıkestendirilgen norma bar ekenin aıtty. 

 — Taǵy bir másele. Qoǵamnyń rýhanı-adamgershilik qundylyqtar júıesi degen uǵym tóńireginde ártúrli pikirler, talqylaýlar bolatyn. Komıssııa músheleri — Qarlyǵash Jamanqulova («Ádil sóz» halyqaralyq qorynyń prezıdenti — red.) Ádil Baltabaev (jýrnalıst) jáne taǵy basqalar tarapynan osy jóninde másele kóterilgen bolatyn, — dep bastady Erlan Qarın.

Onyń sózine qaraǵanda talyqlaý nátıjesinde bul usynystar qabyldaǵan.

— Bul uǵym Birikken Ulttar Uıymynyń halyqaralyq paktisimen sáıkes ózgertildi. Sondyqtan jańa mátinde komıssııa músheleriniń jańa usynystary tolyq qamtyldy dep aıta alamyz, — dedi Memlekettik keńesshi.

Aıta keteý kerek, jańa Konstıtýtsııanyń sońǵy nusqasynda 95 bap bolady.