Konstıtýtsııa jobasynan Quryltaıdyń komıtetteri men komıssııalaryn qurýǵa qatysty tarmaq alynyp tastalady
ASTANA. KAZINFORM – Konstıtýtsııa jobasynan Quryltaıdyń komıtetteri men komıssııalaryn qurýǵa qatysty tarmaq alynyp tastalady. Bul týraly Konstıtýtsııalyq reformalar jónindegi komıssııanyń H otyrysynda Konstıtýtsııalyq sot tóraǵasynyń orynbasary Baqyt Nurmuhanov aıtty.
- Keı ózgerister Quryltaıdyń qyzmetin uıymdastyrý máselelerine qatysty. Jobanyń 59-babynyń 3-tarmaǵyn alyp tastaý usynylady. Atalǵan tarmaqqa sáıkes, «komıtetter men komıssııalardy qurý tártibi, olardyń ókilettigi jáne qyzmetin uıymdastyrý zańda aıqyndalady» dep bekitilgen edi. Qazirgi ýaqytta joǵary ókildi organnyń komıtetteri men komıssııalarynyń qyzmetine qatysty máseleler «Qazaqstan Respýblıkasy Parlamenti jáne onyń depýtattarynyń mártebesi týraly» konstıtýtsııalyq zańmen, «Qazaqstan Respýblıkasy Parlamenti komıtetteri men komıssııalary týraly» zańmen, Parlament jáne onyń palatalarynyń regalmentterimen retteledi. Bul túzetý atalǵan máselelerdi quqyqtyq retteý deńgeıin kóterip, kontıtýtsııalyq zań aıasynda qamtýǵa múmkindik beredi,- dedi Baqyt Nurmuhanov.
Buǵan deıin volonterlik qyzmet konstıtýtsııalyq deńgeıde bekitiletinin jazǵan edik.