Konstıtýtsııa jobasyna qatysty referendýmǵa qansha qarjy jumsalady
ASTANA. KAZINFORM — Ortalyq referendým komıssııasynyń múshesi Mıhaıl Bortnık 15 naýryzǵa taǵaıyndalǵan respýblıkalyq respýblıkalyq referendýmnyń aldyn ala eseptelgen bıýdjetin jarııa etti.
- Qazirgi ýaqytta smeta Qarjy mınıstrliginiń talqylaýy men saraptamasynan ótip jatyr. Taıaý saǵattyń ishinde aldaǵy referendýmnyń naqty shyǵystaryn aıqyndaıtyn tsıfrdi bilemiz dep oılaımyn. Referendým ótkizýge arnalǵan shyǵystardyń aldyn ala esepteýi 20,8 mlrd teńge bolǵan edi. Atap óterligi, mundaı qarajat 2026 jyldyń respýblıkalyq bıýdjetinde qarastyrylmaǵan. Sondyqtan qarajat Úkimet rezervinen bólinedi, - dedi ol Ortalyq referendým komıssııasynyń otyrysynan keıingi brıfıngide.
Onyń dereginshe, atalǵan somanyń 75 paıyzy ýchaskelik referendým komıssııalarynyń múshelerine jalaqy tóleýge jumsalady.
Buǵan deıin referendýmdy ázirleý men ótkizý jónindegi negizgi is-sharalardyń jospary bekitilgenin jazǵan edik.
