Konstıtýtsııa jobasyna qatysty referendým qorytyndysy 21 naýryzǵa deıin jarııalanady
ASTANA. KAZINFORM — Konstıtýtsııa jobasyna qatysty referendým qorytyndysy 21 naýryzǵa deıin jarııalanady. Bul týraly Ortalyq referendým komıssııasynyń otyrysynda komıssııa tóraǵasynyń orynbasary Muhtar Erman aıtty.
- Eger daýys berý yńǵaılylyǵy maqsatynda aýmaqtyq referendým komıssııalary ózgeshe belgilemese, daýys berý 15 naýryzda tańǵy 7-00-den keshki 20-20-ge deıin ótedi. Ortalyq referendým komıssııasy referendýmnyń qorytyndylary týraly resmı habarlamany daýys bergen kúnnen bastap, 7 kúnnen keshiktirmeı, ıaǵnı 21 naýryzǵa deıin buqaralyq aqparat quraldarynda jarııalaýy tıis, - dedi ol.
Osydan keıin komıssııa músheleri 2026 jylǵy 15 naýryzǵa taǵaıyndalǵan respýblıkalyq referendýmdy ázirleý men ótkizý jónindegi negizgi is-sharalardyń kúntizbelik josparyn bekitti.
Osy oraıda Ortalyq referendým komıssııasynyń tóraǵasy Nurlan Ábdirov kúntizbelik jospar referendýmdy ótkizý kezeńderin jáne olarmen baılanysty rásimderdi belgileıtin negizgi qujat ekenin atap ótti.
- Kúntizbelik josparda kórsetilgen barlyq is-shara belgilengen merzimderge sáıkes júrgizilýi tıis. Bul – mindet, - dedi komıssııa tóraǵasy.
Buǵan deıin referendýmdy ázirleý men ótkizý jónindegi negizgi is-sharalardyń jospary bekitilgenin jazǵan edik.