Konstıtýtsııa jobasyna qatysty azamattardan 5 myńǵa jýyq ótinish tústi – Elvıra Ázimova
ASTANA. KAZINFORM – Konstıtýtsııalyq reformalar jónindegi komıssııanyń HІ otyrysy erteń ótedi. Bul týraly Konstıtýtsııalyq sot tóraǵasy Elvıra Ázimova aıtty.
- Jańa Konstıtýtsııa jobasyn tehnıkalyq jáne mazmundyq turǵydan pysyqtaý boıynsha eleýli jumys atqaryldy. Sonymen qatar azamattardan túsip jatqan usynystardyń legi jalǵasýda. Búgingi kúni olardyń jalpy sany shamamen 5 myńǵa jetti. Jańa Konstıtýtsııa mátini jarııalanǵan alǵashqy 3 kúnniń ózinde Konstıtýtsııalyq komıssııaǵa kún saıyn myńnan astam ótinish kelip tústi. Keıingi kúnderi olardyń sany júzdegen jáne ondaǵan deńgeıge deıin tómendedi. Sonymen birge bul azamattardyń jańa Konstıtýtsııaǵa qatysty óz ustanymdary men kózqarastaryn negizinen aıqyndap úlgergenin kórsetedi, - dedi Elvıra Ázimova komıssııanyń H otyrysyn qorytyndylvı kele.
Onyń aıtýynsha, jańa Kongstıtýtsııa jobasy azamattardyń basym bóligi tarapynan joǵary baǵalanyp, keń qoldaýǵa ıe bolyp otyr.
- Usynylǵan ózgerister qoǵamnyń aıqyn suranysyn jáne júrgizilip jatqan reformalarǵa berilgen senimdi aıqyndaıdy. Bizdiń mindetimiz – osy ashyq dıalogty saqtaý, sheshimderdiń salmaqty bolýyn qamtamasyz etý jáne memleket múddesin uzaq merzimde qyzmet etetin, azamattarǵa senimdi quqyqtyq negiz bolatyn Ata zańdy qalyptastyrý. Kelesi otyrys 10 aqpanda bolady, - dedi ol.
Aıta keteıik, Konstıtýtsııalyq reforma jónindegi komıssııanyń IX otyrysy 7 aqpan kúni ótti. Onda Memlekettik keńesshi Erlan Qarın nelikten jańa Konstıtýtsııa qabyldaý qajet ekenin túsindirdi.
