Konstıtýtsııa jobasyn referendýmǵa shyǵarý úshin Prezıdent qaraýyna usynýǵa bolady - Sarym
ASTANA. KAZINFORM — Jańa Konstıtýtsııasynyń jobasy tarıhı fakt jáne saıası faktor retinde júzege asty. Bul týraly Konstıtýtsııalyq reforma jónindegi komıssııanyń HII otyrysynda komıssııa múshesi, Májilis depýtaty Aıdos Sarym málim etti.
- Konstıtýtsııa jobasynda zańdylyq pen tártip qaǵıdattary, sondaı-aq azamattardyń qorshaǵan ortanyń taǵdyry úshin ortaq ekologııalyq jaýapkershiligi ulttyq basymdyqtar retinde belgilengen. Sondyqtan, osy Konstıtýtsııa jobasy - bostandyqtyń, tártiptiń, zańdylyqtyń jáne ózara jaýapkershiliktiń Negizgi qujaty. Osy minberden jaýapkershilikpen aıta alamyn, komıssııa jumysynda aýqymdy jumys boldy. Meniń oıymsha, Qazaqstan Respýblıkasynyń jańa Konstıtýtsııasynyń jobasy tarıhı fakt jáne saıası faktor retinde júzege asty. Ony osy kúıinde jalpyhalyqtyq referendýmǵa shyǵarý úshin Qazaqstan Prezıdentine usynýǵa bolatynyna senimdimin. Biz Respýblıkalyq shtab quryp, Qazaqstannyń árbir azamatymen senimdi túrde sóılesý úshin eldiń barlyq óńirine barýǵa daıynbyz, - dedi Aıdos Sarym.
Buǵan deıin Konstıtýtsııa jobasy boıynsha 10 myńnan astam ótinish túskenin jazǵan edik.
Osy oraıda A. Sarym barsha usynys bergen azamattardyń aty atalyp, olarǵa Konstıtýtsııalyq Sot atynan nemese Konstıtýtsııalyq komıssııa atynan resmı túrde alǵys aıtylyp, «alǵys hat» berilse eken degen usynysyn jarııalady.
Aıta keteıik, 31 qańtarda Konstıtýtsııalyq reformalar jónindegi komıssııa Qazaqstan Respýblıkasynyń jańa Ata Zańynyń jobasyn jarııalady.
