Konstıtýtsııa jobasy boıynsha 10 myńnan astam ótinish tústi
ASTANA. KAZINFORM – Konstıtýtsııalyq komıssııaǵa jańa Konstıtýtsııa jobasy boıynsha 10 myńnan astam ótinish tústi. Bul týraly Konstıtýtsııalyq reformalar jónindegi komıssııanyń HІІ otyrysynda Konstıtýtsııalyq sot tóraǵasy Elvıra Ázimova aıtty.
- Búginge deıin Konstıtýtsııalyq komıssııanyń atyna 10 myńnan astam ótinish kelip túskenin habarlaǵym keledi. Bul - komıssııa músheleriniń, azamattardyń, azamattyq qoǵam ókilderiniń, sarapshylar qaýymdastyǵynyń, bıznes qurylymdarynyń jáne ózge de múddeli taraptardyń usynystary, - dedi otyrysty ashqan Konstıtýtsııalyq sot tóraǵasy.
Onyń atap ótýinshe, barlyq kelip túsken materıaldar júıelenip, taqyryptyq baǵyttar boıynsha toptastyryldy.
- Árbir baǵyt boıynsha quqyqtyq jáne mazmundyq taldaý júrgizildi. Usynystar olardyń negizdiligi jáne iske asyrylý múmkindigi turǵysynan baǵalanýda. Mundaı belsendilik qoǵamnyń joǵary deńgeıdegi qatysyn aıqyn kórsetedi jáne jańa Konstıtýtsııa jobasyn talqylaýdyń shynaıy ashyq ári mazmundy sıpat alǵanyn dáleldeıdi,- dedi Elvıra Ázimova.
Aıta keteıik, osy ýaqytta Konstıtýtsııalyq reforma jónindegi komıssııanyń XII otyrysy ótip jatyr.