Konstıtýtsııa jekelegen tetikterdi emes, negizgi qaǵıdattardy aıqyndaýǵa tıis – Ádilet mınıstri

ASTANA. KAZINFORM – Konstıtýtsııa azamattyń negizgi quqyqtary men bostandyqtaryn bekitip, jekelegen tetikterdi emes, negizgi qaǵıdattardy aıqyndaýǵa tıis. Bul týraly Konstıtýtsııalyq reformalar jónindegi komıssııanyń otyrysynda Ádilet mınıstri Erlan Sársembaev aıtty.

– Konstıtýtsııaǵa engiziletin túzetýler jobasynyń 16-1-babynyń jańa redaktsııasy, buǵan deıin de aıtylǵandaı, azamattardyń quqyqtaryn qorǵaý kepildikterin kúsheıtýge sózsiz baǵyttalǵan. Qoldanystaǵy redaktsııada jekelegen erejeler Konstıtýtsııanyń 77-babynda kózdelgen, olardy Negizgi zańnyń 1-bólimine kóshirý usynylady. Atap aıtqanda, kinásizdik prezýmptsııasy, bir quqyq buzýshylyq úshin ákimshilik nemese qylmystyq jaýaptylyqqa qaıtadan tartýǵa jol bermeý, zańnyń keri kúshin qoldaný máseleleri jáne óz kinásizdigin dáleldeýden bosatý sııaqty qaǵıdattar. Konstıtýtsııa – ol joǵary zańdyq kúshke ıe bola otyryp, azamattyń negizgi quqyqtary men bostandyqtaryn bekitip, olardy qorǵaýdyń kepildikterin belgileı otyryp, jekelegen tetikterdi emes, negizgi qaǵıdattardy aıqyndaýǵa tıis, - dedi Ádilet mınıstri.

Buǵan deıin Ádilet mınıstri Konstıtýtsııada zań kómegin kórsetý túrlerin «tegin» degen sózben shektemeý kerektigin aıtqan edi.