Konstıtýtsııa preambýlasy jastardy tehnologııalyq salaǵa baǵyttaýy tıis – Shıbutov
ASTANA. KAZINFORM – Konstıtýtsııanyń preambýlasy jastar úshin baǵdar bolýǵa tıis jáne olardy bilimdi, kásibı ári tehnologııalyq salaǵa baǵyttaýy kerek. Bul týraly saıasattanýshy Marat Shıbutov Konstıtýtsııalyq reformalar jónindegi komıssııanyń úshinshi otyrysynda aıtty.
– Bolashaq jalǵan aqparat taratýshylar men báleqorlar (temşık) emec, tehnologııalyq salada eńbek etetin, kásibı ári bilimdi azamattarda, - dedi Marat Shıbutov.
Saıasattanýshynyń aıtýynsha, preambýla eldiń tarıhı tamyryn moıyndap, arhaıkalyq kózqarastardan bas tartyp, ádilettilik, zań men tártip qaǵıdattaryn bekitý arqyly qoǵam men memleket arasyndaǵy baılanysty nyǵaıtady.
Aıta keteıik, buǵan deıin Májilis depýtaty Jandos Ómirálıev qamaýda ustaý merzimin 48 saǵatqa qysqartý usynysy qosymsha talqylaýdy qajet etetinin aıtty.