Konstıtýtsııa kúnine oraı 27 myń atyraýlyqqa áleýmettik kómek beriledi

ASTANA. KAZINFORM — Byltyr mundaı tólem 25 myń adamǵa berildi. Bul týraly óńirlik kommýnıkatsııalar qyzmeti habarlaıdy.

Oblysta QR Konstıtýtsııasy kúnine oraı barlyq toptaǵy múgedektigi bar azamattarǵa elý myń teńgelik birjolǵy áleýmettik kómek tóleý jumystary júrgizilip jatyr. 

— Aımaqta alty merekege oraı jekelegen sanatqa jatatyn turǵyndarǵa túrli kólemde birjolǵy áleýmettik tólemder beriledi. Atap aıtqanda, 1 mamyr — Qazaqstan halqynyń birligi kúni, 7 mamyr — Otan qorǵaýshylar kúni, 9 mamyr — Jeńis kúni, 30 tamyz — Konstıtýtsııa kúni, 25 qazan — Respýblıka kúni jáne 16 jeltoqsan — Táýelsizdik kúnine oraı oblys turǵyndaryna áleýmettik tólemder jyl saıyn beriledi, — dedi oblystyq Jumyspen qamtýdy úılestirý jáne áleýmettik baǵdarlamalar basqarmasynyń bas mamany Jańylsyn Seıdalıeva.

Budan buryn elordadaǵy Tuńǵysh Prezıdent mýzeıinde Konstıtýtsııa kúni qarsańynda erekshe kórme ashylǵanyn jazdyq.