Konstıtýtsııanyń arqasynda kóne qazaq jerinde órkendegen memleket quryldy - Qaraǵandy oblysynyń ákimi

QARAǴANDY. 30 tamyz. QazAqparat - Qaraǵandyda QR Konstıtýtsııasy kúnine arnalǵan jappaı saltanatty sharalar ótýde.

Myńdaǵan adam qala ortalyǵynda Táýelsizdik alańyna jınaldy, merekelik shara «Ata zańym - aıbynym» atty kontserttik baǵdarlamamen ashyldy.

«Konstıtýtsııanyń arqasynda kóne qazaq jerinde órkendegen memleket quryldy. Birlik pen halqymyzdyń, ata-babalarymyzdyń kóregendigi bizdiń jetistigimizdiń negizi bolyp tabylady», - dedi oblys ákimi.

Kontsertte qazaqstandyq estradanyń juldyzdary Baqyt Shadaeva jáne Erlan Kókeev, reseılik «Na-Na» toby án shyrqady.

Merekelik shara etnomádenı birlestikterdiń ujymdary qoıǵan qoıylymdarmen jalǵasyn tapty. Táýelsizdik alańynda Konstıtýtsııa kúni men «Astana - túrki halqynyń mádenı astanasy» jylyna arnalaǵan «Biz-Qazaqstannyń halqymyz» atty oblystyq ulttyq mádenıet festıvali ótýde.