Konstıtýtsııanyń 15 jyldyq mereıtoıyna arnalǵan poshta markasy aınalymǵa engizildi
Atalǵan sharaǵa oraı elimizdiń Konstıtýtsııalyq keńesi tóraǵasy Igor Rogovtyń jáne «Qazposhta» AQ-nyń basqarýshy dırektory Andreı Vagnerdiń qatysýymen alqaly jıyn ótti. Shara barysynda sóz alǵan I.Rogov áriptesterimen qatar búkil qazaqstandyqtardy aıtýly kúnmen quttyqtaı kelip, osydan 5 jyl buryn Qazposhtamen birge el Ata zańynyń 10 jyldyǵyna arnalǵan alǵashqy markanyń shyǵarylǵandyǵyn eske sala ketti. «Ol qoǵamdyq rezonans týdyrady dep oılamap edim. Alaıda elimizde marki jınaýshylar óte kóp eken. Tipti sheteldik zańger áriptesterim de habarlasyp, markany qaıdan satyp alýǵa bolatyndyǵyn surady. Shynymen de marka shyǵarý, ásirese bizdiń elimizdiń negizgi Konstıtýtsııasynyń mereıtoıyna arnalyp shyǵarylýy óte baısaldy is-shara, óte mańyzdy oqıǵa. 15 jyl tarıhı turǵyda alyp qaraǵanda kóp ýaqyt emes, alaıda bizdiń memleketimiz úshin bul óte úlken oqıǵa. Óıtkeni osy 15 jyldyń ishinde Qazaqstan tolyǵymen táýelsiz, egemen memleket retinde qalyptasty jáne Memleket basshymyzdyń tarapynan bul merekege erekshe mán berilýi Qazaqstannyń negizgi zańyna degen qurmetti bildiredi», dep atap ótti I.Rogov.
Sondaı-aq shara barysynda sóz alǵan A.Vagner bul markanyń elimizben qatar álem elderine de taraıtyndyǵyn atap ótti. «15 jyldyq mereıtoıy shynymen de bizdiń Konstıtýtsııamyz, respýblıkamyz úshin óte mańyzdy data. Sondyqtan QR Baılanys jáne aqparat mınıstriniń buıryǵymen atalǵan poshta markasy bekitilip, búginnen bastap aınalymǵa engizilip otyr», dedi ol.
30 myń tarylymmen jaryq kórgen markada ulttyq oıý-órnek pen elimizdiń Ata zańyn aınala jelbiregen Memlekettik tý beınelengen. Nomınaldyq quny 32 teńgelik marka ofsetti tásil arqyly 4 boıaýmen aıdarshaly perforatsııada oryndalǵan. Avtory - Danııar Muhamedjanov.