Konstıtýtsııanyń 15 jyldyǵyna arnalǵan aýqymdy áskerı sherý Qazaqstannyń ózin qorǵaýǵa qabiletti táýelsiz el ekendigin kórsetti - Májilis depýtaty

STANA. Tamyzdyń 30-y. QazAqparat /Marlan Jıembaı/ - Konstıtýtsııanyń 15 jyldyǵyna arnalǵan aýqymdy áskerı sherý Qazaqstannyń ózin qorǵaýǵa qabiletti táýelsiz el ekendigin kórsetti. Bul týraly búgin QR Konstıtýtsııasynyń 15 jyldyǵyna arnalǵan elordadaǵy «Qazaq eli» monýmentiniń aldyndaǵy áskerı sherýden keıin QazAqparat tilshisine bergen suhbatynda QR Parlamenti Májilisiniń depýtaty Valerıı Vıshnıchenko aıtty.

«Meniń oıymsha, búgingi tamasha mereke búkil qazaqstandyqtarǵa 1995 jyly búkilhalyqtyq referendým negizinde qabyldanǵan Konstıtýtsııanyń qoldanysta ekendigin kórsetti», dedi ol óz sózinde.

Sonymen qatar halyq qalaýlysy búgingi ótken aýqymdy áskerı sherý elimizdiń shynymen de táýelsiz, etek-jeńin jınaǵan memleket ekendigin kórsetkendigin basa aıta kelip, «eń bastysy bizdiń elimiz beıbitshilik pen kelisimde ómir súrýde jáne bizdiń beıbitshiligimiz senimdi qorǵalǵan», dep qorytty oıyn V.Vıshnıchenko.