Konstıtýtsııamyzdyń múmkindigin paıdalanatyn sát týdy - M. Kópeeev
ANA. 14 qańtar. QazAqparat /Aıdar Ospanalıev/ - Senat Tóraǵasynyń orynbasary Muhambet Kópeevtiń pikirinshe, Konstıtýtsııamyzdyń múmkindigin paıdalanatyn sát týdy.
Bul týraly ol búgin Parlament palatalarynyń birlesken otyrysynan soń jýrnalısterge bergen suhbatynda aıtty.
Onyń sózine qaraǵanda, Ata zańmyzdyń 91-shi babyna sáıkes, Parlament qajetti ózgeristerdi Konstıtýtsııaǵa engizýge quqyly. «Olaı bolsa, Konstıtýtsııamyzdyń múmkindigin paıdalanatyn sát keldi. 5 mıllıonnan asa qazaqstandyq qoldaǵan Nursultan Ábishuly Nazarbaevtiń prezıdenttik ókilettigin 2020 jyldyń 6 jeltoqsanyna deıin uzartý jóninde respýblıkalyq referendým ótkizý týraly shyǵysqazaqstandyqtar usynysynyń konstıtýtsııalyq negizin qalyptastyrý búgingi kúnniń talabyna tolyqtaı jaýap beredi jáne bul el tarıhyndaǵy erekshe mańyzy zor másele. «Halyq aıtsa, qalt aıtpaıdy» demekshi, «Tuńǵysh Prezıdent», «Elbasy» degen sózder búginde birtutas uǵymǵa aınaldy»,-dedi Senat Tóraǵasynyń orynbasary.
