Konstıtýtsııamyz birligimizdiń myzǵymastyǵyn, memlekettik qurylys pen elimizdiń tutastyǵyn bekitip berdi - Ahmetjan Esimov
Ony búgin qala ákimi Ahmetjan Esimov Almatydaǵy Abaı alańynda Konstıtýtsııa merekesine arnalǵan merkelik sharadaǵy quttyqtaýynda aıtty.
«Búgin barmashyz úshin mereıli kún. Egemen elimizdiń tól Konstıtýtsııasy - Ata zańymyzdyń qabyldanǵanyna 17 jyl toldy. Órkenıetti memlekettiń barlyǵyna tán demokratııalyq qaǵıdalaryn tolyq qamtıtyn Konstıtýtsııamyz birligimizdiń myzǵymastyǵyn, memlekettik qurylys pen elimizdiń tutastyǵyn bekitip berdi. Osyndaı árbir azamattyń ózin teń sezinýine jáne quqyqtaryn saqtaýyna berik negiz bolyp, jasampaz jańa dáýirge keń jol ashty», - dedi A. Esimov. Shahar basshysynyń aıtýynsha, búginde álemdik qaýymdastyqta óziniń aıshyqty ornyn alǵan, ekonomıkalyq, áleýmettik kúsh-qýaty órken jaıǵan otanymyzdyń taǵdyryna degen ortaq jaýapkershilik, Ata zańymyzǵa degen erekshe qurmet bizdiń senimimiz ben kúshimizdiń qaınar kózi bolyp tabylady. Birligi jarasqan qazaq eli az ýaqytta aıbary asqan qýatty ultqa, dáýleti tasyǵan kúshti memleketke aınaldy. Bul oraıda Elbasy Nursultan Nazarbaevtyń: «Konstıtýtsııa Qazaq eliniń órkendeýi men órleýiniń negizi» degen qanatty sózi eriksiz eske túsedi.