Konstıtýtsııalyq zań men Parlament reglamentine ózgerister qajet –Aıdos Sarym
«Shynyn aıtý kerek, sońǵy kezde Májiliske de, saıası partııalarǵa da kóp syn aıtylyp jatyr. Oryndysy bar, orynsyzy da bar. Biraq, moıyndaıtyn nárseni moıyndaý kerek. Bizdiń de kóńilimiz tolmaıtyn tustary boldy. Tipti mynadaı másele de bar. Ony keshe áriptesterimizben talqylaý barysynda aıttyq. Qazirgi zańnama boıynsha Parlament kez kelgen zańdy qabyldaǵan kezde Úkimetke sol zańdy jiberedi. 61-bapqa sáıkes Úkimettiń teris túsinigi nemese teris qaǵazy bolsa, onda ol zań qabyldanbaıdy ne depýtattardyń usynysy ótpeıdi. ıAǵnı, «ekonomıkalyq shyǵyndy qajet etedi», «qajeti joq» dep te aıta salady. Mundaı talaı boldy. Bizdiń oıymyzsha, Konstıtýtsııalyq zań men Parlament reglamentine ózgerister qajet. Muny búkil partııa qoldap otyr. Osyndaı baptardy ózgertýimiz kerek», - dedi ol elordada uıymdastyrǵan baspasóz máslıhaty barysynda.
Aıdos Sarym ózekti máselelerge baılanysty joldanǵan depýtattyq saýaldarǵa Úkimet tarapynan formaldy jaýaptar keletindigin de ashyq aıtty.
«Aldaǵy ýaqytta depýtattar Úkimetke saýal jasaǵan kezde «jaýapty qaǵaz júzinde emes, betpe-bet kelip aıtsyn» dep otyrmyz. Taǵy da qaıtalap aıtamyn, «Jańa Qazaqstan» depýtattyq tobyn qurý ol úı ishinen úı tigý emes, partııa ishinen partııa jasaý emes», - dedi Májilis depýtaty.
