Konstıtýtsııalyq sotqa qurmetsizdik kórsetkenderge 61 myń teńge aıyppul salynýy múmkin

NUR-SULTAN. QazAqparat – Konstıtýtsııalyq sotqa qurmetsizdik kórsetkenderge 20 AEK kóleminde aıyppul salynýy múmkin. «Ákimshilik quqyq buzý týraly kodekske ózgerister men tolyqtyrýlar engizý týraly» zań jobasyna osyndaı norma usynylyp otyr, dep habarlaıdy QazAqparat tilshisi.

Qujatty Májilis depýtattaryna tanystyrǵan QR Ádilet mınıstri Qanat Mýsın Ákimshilik quqyq buzý týraly kodekstiń 13 babyna túzetý engizý qarastyrylǵanyn atap ótti.

Túzetýlerdi 4 baǵytqa bólýge bolady.

Birinshiden, Konstıtýtsııalyq sottyń qurylýyna baılanysty Konstıtýtsııalyq keńes pen onyń músheleri atalǵan baptarǵa olardy Konstıtýtsııalyq sot jáne onyń sýdıalaryna aýystyrý turǵysynda naqtylaıtyn túzetýler usynylady.

«Sonymen qatar, Konstıtýtsııalyq sot týraly Konstıtýtsııalyq zań jobasynyń normalaryn iske asyrý úshin Konstıtýtsııalyq sotqa qurmettemeýshilik bildirgeni úshin ákimshilik jaýapkershilik engizýdi usynamyz», - dedi mınıstr.

Vedomstvonyń málimetinshe, mundaı norma atalǵan kodekstiń 653-babynda qarastyrylmaq.

Bul bap boıynsha Konstıtýtsııalyq sotqa qurmetsizdik kórsetkenderge eskertý jasalýy múmkin nemese 20 aılyq eseptik kórsetkish mólsherinde aıyppul salynady.