Konstıtýtsııalyq Sot zańsyz ıemdengen aktıvterdi memleketke qaıtarý týraly zańdy Konstıtýtsııaǵa sáıkes dep tanydy
Konstıtýtsııalyq Sot sheshiminen úzindiler:
«Zańnyń aktıvterdi memleket kirisine májbúrlep aınaldyrý máselelerin retteıtin erejeleri konstıtýtsııalyq talaptarǵa qaıshy kelmeıdi (26-28-baptar). Mundaı sheshimdi sot azamattyq sot isin júrgizý qaǵıdattaryn saqtaı otyryp, prokýrordyń talap-aryzy boıynsha qabyldaıdy».
***
«Parlament depýtattary bastamashylyq jasaǵan Zań Qazaqstan qosylǵan, onyń ishinde sybaılas jemqorlyqqa qarsy is-qımyl jáne uıymdasqan qylmysqa qarsy kúres máselelerine baılanysty halyqaralyq quqyqtyq aktilerdiń erejeleri eskerile otyryp ázirlendi.
Konstıtýtsııalyq Sot Qazaqstan ratıfıkatsııalaǵan Birikken Ulttar Uıymynyń Sybaılas jemqorlyqqa qarsy konventsııasynyń kirispesine nazar aýdarady. Oǵan sáıkes sybaılas jemqorlyq jáne qylmystyń basqa da túrleri, atap aıtqanda, aqsha qarajattarynyń jylystatylýyn qosa alǵanda, uıymdasqan qylmys pen ekonomıkalyq qylmys arasyndaǵy baılanystarǵa, memleket resýrstarynyń eleýli úlesin quraýy jáne osy memleketterdiń saıası turaqtylyǵy men turaqty damýyna qater tóndirýi múmkin. Bul rette sybaılas jemqorlyq jergilikti problema bolýdan qalyp, qoǵamdy jáne barlyq elderdiń ekonomıkasyn qamtıtyn ult sheginen tysqary qubylysqa aınalyp otyr».
***
«Zańnyń maqsattary aktıvterdi qaıtarý jáne (nemese) olardy Qazaqstan Respýblıkasynyń zańdy ekonomıkalyq aınalymyna tartý, olardy zańsyz ıemdenýge jáne shyǵarýǵa yqpal etken sebepter men jaǵdaılardy joıý, sondaı-aq qoǵamda áleýmettik ádildikti qalpyna keltirý bolyp tabylady (5-baptyń 1-tarmaǵy). Bular Konstıtýtsııanyń 1, 6 jáne 26-baptarynyń erejelerine sáıkes keledi».
***
«Konstıtýtsııalyq Sot qaralyp otyrǵan Zańdy qabyldaı otyryp, memleket eldiń turaqty ekonomıkalyq jáne áleýmettik damýy úshin Qazaqstan halqynyń buzylǵan quqyqtaryn qalpyna keltirý júıesin aıqyndaıdy dep esepteıdi. Zańsyz ıemdenilgen aktıvterdi memleketke qaıtarý konstıtýtsııalyq mańyzdy maqsattarǵa sáıkes keledi, konstıtýtsııalyq negizdelgen ádildik, aqylǵa qonymdylyq pen mólsherlestik qaǵıdattary múltiksiz saqtala otyryp, jeke, qoǵamdyq jáne memlekettik múddelerdiń teńgerimin ustap turýǵa baǵyttalǵan. Menshik quqyǵyna qatysty máselelerdi tıisinshe júıeli baqylaý jáne retteý bolǵan kezde, búkil halyqtyń múddesi úshin ekonomıka damyǵan kezde memlekettiń azamattar men qoǵam aldyndaǵy óziniń áleýmettik-ekonomıkalyq, ekologııalyq, saıası jáne quqyqtyq mindettemelerin iske asyrýyna, Konstıtýtsııada talap etiletin ulttyq qaýipsizdiktiń tıisti deńgeıin qamtamasyz etýge qarjylyq jáne basqa da múmkindikteri kóp bolady».
***
